اینکلوزیو توپلوم فوندو (Foundation for Inclusive Society-FIS) رسمی فعالیّته باشلادیغینی اعلان ائدیب. فوند، فعالیّته باشلاماسینی ۲۰۲۴-جو ایلین بیرینجی فصلی اوچون ایراندا آذربایجان تورکلری ایله باغلی یئنی اینسان حاقلاری راپورتونو یایاراق اعلان ائدیب.
اینکلوزیو توپلوم فوندو، فعالیّتی‌نین اینسان حاقلاری راپورتلارینا محدود اولمایاجاغینی و آراشدیرمالارا دا اوستونلوک وئره‌جه‌یینی بیلدیریبدیر. فوند چئوره، اجتماعی، سیاسی و اقتصادی مسئله‌‌لر داخیل اولماقلا، فرقلی مؤوضوعلاری احاطه ائدن راپورتلار و آراشدیرمالار حاضیرلاماغی هدفله‌ییر. فوند، ایراندا آزلیقلار ایله باغلی آراشدیریلمامیش و یا داها آز آراشدیریلمیش ساحه‌‌‌لری، آذربایجان بؤلگه‌سینه اؤزل وورغو ایله، اؤنجه‌لیک وئرمه‌یه و آزلیقلارین حاقلاری اوغوروندا موباریزه‌نی آراشدیرمالار یولو ایله گوجلندیرمه‌یی هدفله‌ییر.
اینکلوزیو توپلوم فوندونون نشر و فعالیّتلری ایله فوندون رسمی اینتِرنت سایتی و سوسیال مئدیا پلاتفورمالاریندان تانیش اولا بیلرسینیز:
www.inclusivevision.org
اینستاگرام: www.instagram.com/inclusivevsn
ایکس: www.x.com/InclusiveVsn
فیس بوک: www.facebook.com/InclusiveVsn
سورغو و علاوه معلومات اوچون [email protected] ایمیلینه موراجعت ائدیله بیلر.
