افغانستان ایسلام رئسپوبلیکاسیندا ایکی رسمی دؤولت دیلی مؤوجوددور: دری (افغانستان فارسجاسی) و پشتوجا. هر ایکی دیل افغانستان آنایاساسینا اساساً برابر حقوق‌لارا مالیکدیر و دؤولت ایداره‌چیلیگینده، قانون‌وئریجیلیکده، تحصیلده و مئدیانین مختلف ساحه‌لرینده گئنیش شکیلده ایستیفاده اولونور.
۴۲٪ پشتو دیلینی دانیشان اهالی افغانستانین ان بؤیوک ائتنیک قروپودور. اساساً جنوبی و شرق بؤلگه‌لرده گئنیش ایستیفاده اولونور.
بو دیل ادبی دیل کیمی گئنیش ایستیفاده اولونور. دؤولت ایداره‌لرینده و عالی تحصیل موسسه‌لرینده اساس ایرتیباط واسیطه‌لریندن بیریدیر. تاریخاً افغانستان سیاستینده دومینانت مؤقعده اولوبلار و افغانستانین بیر چوخ کرال و پرئزیدئنت‌لری بو ائتنیک قروپدان چیخیبلار.
۲۷٪-ی تشکیل ائد‌ن تاجیک‌لر افغانستاندا ایکینجی بؤیوک ائتنیک قروپدور و اساساً شمال-شرق و غرب بؤلگه‌لرینده مسکونلاشیبلار. اونلار دری (فارس) دیلینده دانیشیرلار. تاجیک‌لر شهر مدنیتی، ادبیات و تحصیل ساحه‌سینده مهم رول اویناییبلار. پایتخت کابل-دا دا اهمیتلی سایدا تاجیک اهالی وار.
افغانستاندا ایکی‌دیللیلیک و یا چوخ‌دیللیلیک گئنیش یاییلمیشدیر. بیر چوخ وطنداش هم دری، هم ده پشتوجا دیل‌لرینی سربست شکیلده ایستیفاده ائده بیلیر. بو خصوصیت اؤلکه‌ده موختلیف ائتنیک و دیل قروپ‌لاری آراسیندا ارتیباطین تامین اولونماسیندا مهم رول اویناییر.
افغانستاندا بو دیل‌لرله یاناشی، دیگر ائتنیک قروپ‌لار دا مؤوجوددور. طالبان رهبرلیگی بو قروپ‌لارین دانیشدیغی دیل‌لری ده معین بؤلگه‌لرده یئرلی دیل‌لر کیمی تانییاجاغینی بیان ائتمیشدیر.
سؤزو گئدن ائتنیک‌لردن سونرا افغانستان اهالیسی‌نین تخمینی ائتنیک ترکیبی بئله‌دیر:
هزاره‌لر: تخمیناً ۹٪
اؤزبک‌لر: تخمیناً ۹٪
تورکمن‌لر: تخمیناً ۳٪
بلوچ‌لار: تخمیناً ۲٪
ایماق: تخمیناً ۴٪
نوریستانلی‌لار: تخمیناً ۱٪
دیگر آزلیق‌لار: جمعی تخمیناً ۴٪ (پاشایی، پامیری و دیگر کیچیک ائتنیک قروپ‌لار داخیل اولماقلا)
یوخاریداکی بیلگی‌لرین قایناغی :
www.minorityrights.org
