کانادانین مونترال شهرینده یئرله‌شن مک‌گیل اونیورسیته‌سینده “۲۰۲۵ مک‌گیل دیل آراشدیرمالاری سیمپوزیومو: دیل، گوج و عایدیت” عنوانلی چوخ دیللی بیر سیمپوزیوم کئچیریلیر. سیمپوزیوم بو گون، نویابر آیی‌نین ۷-سی باشلاییر و اوچ گون داوام ائده‌جک. سیمپوزیومون سون گونونده، یعنی نویابر آیی‌نین ۹-ندا ، تبریز واختی گئجه ۹-دان ۱۱:۳۰-ا قدر آذربایجانلی‌لارین چیخیشی اولاجاق. بو چیخیشلار ایکی پانلده تورونتو اونیورسیته‌سیندن لاله جوانشیرین اوتوروم باشقانلیغیندا کئچیریله‌جکدیر. فارسجا کئچیریله‌جک بیرینجی پانلده کبک اونیورسیته‌سیندن سحر ذوقی قرا‌ملکی “چوخ دیللی ایراندا معرفتی عدالتسیزلیک و دیل حاقلاری” باره‌ده، مک‌گیل اونیورسیته‌سیندن محمدرضا جعفری ایسه “بیلیمین و کیملیگین قوریوجولاری اولاراق آشیقلار” عنوانلی مقاله ایله چیخیش ائده‌جکلر.
بو پانلی آشاغیلی زوم لینکی ایله ایزله‌مک مومکون اولاجاقدیر:
https://mcgill.zoom.us/j/82430551550
Meeting ID: 824 3055 1550
ایکینجی پانل تورک دیلینده اولاجاقدیر. بو پانلده کولومبیا اونیورسیته‌سیندن هاجر کبیری “ایراندا دیلسل سوی‌قیریم: تورک قادینلاری‌نین فارسجا تحصیل تجروبه‌سی” عنوانلی مقاله ایله، تئومان آکتان و سیلا آکتان “دیل، تکلّوم و دیره‌نیش: آذربایجان دموکرات فیرقه‌سی تجروبه‌سی” عنوانلی اورتاق(مشترک) مقاله‌لری ایله و واحید قاراباغلی “ایراندا دیلین تهلوکه‌‌سیزلشدیریلمه‌سی: دیل عدالت‌سیزلیگینه دایر تنقیدی اوتو-اتنوقرافی” آدلی مقاله ایله چیخیش ائده‌جکلر.
تورکجه پانله ده زوم لینکی ایله قوشولماق مومکون اولاجاقدیرک:
https://mcgill.zoom.us/j/82430551550
Meeting ID: 824 3055 1550
