کارابوک اونیوئرسیته‌سینین بین‌الخالق موناسیبت‌لر فاکولته‌سینین معلمی ناصرالدین علیزاده‌نین «آری‌لر، زردوشتی‌لر و امکداش‌لاری» آدلی کیتابی ایشیق اوزو گؤروب. ایران و هندوستان‌دا موستمله‌که‌چی قلوباللاشما دؤورونو تصویر ائد‌ن بو کیتاب سئنتیابر آییندا آنکارادا «Gazi Kitabevi» نشریاتی طرفیندن نشر ائدیلیب.
بو کیتاب هندوستانین شرقینده، سلاح و تیجارتی بیر آرایا گتیرن غرب شیرکت‌لرینین قورولماسی ایله برابر آسیادا موستمله‌که‌چی قلوباللاشما دؤورونون باشلاماسیندان بحث ائدیر. کیتابدا یئنی دؤورون موختلیف قروپ‌لارا فرقلی شکیلده تأثیر ائتدییندن دانیشیلیر. مثلاً بابور ایمپئرییاسینین زیانینا باشلایان یئنی دؤور، کیچیک پارسی، زردوشت آزلیغا چوخ موثبت تأثیر ائتدیگی قئید ائدیلیب. باشلایان بو یئنی دؤور هندوستانین پارسی اهالیسینین اینکیشافینا سبب اولوب. بو دا اونلارین سوسیال-اقتصادی وضعیت‌لرینین دییشمه‌سی ایله نتیجه‌له‌نیب. کیتابدا هم ده آوروپانین معاصر تحصیل سیستئمی‌نین بو آزلیغین دونیا گؤروشونه بؤیوک تأثیر ائتدیگی، اقتصادی وضعیتی یوکسه‌لن بو توپلولوغون قاجار ایرانینا دا اؤنملی تأثیر گؤسترمه‌سی تصویر ائدیلیب.
