«انکار و مقاومت» آدی ایله چیخان بو کیتاب، یازارین چاغداش تاریخ حاقدا قلمه آلدیغی کیتاب‌لاری سیراسیندا دورور. سووئت ایتیفاقی آرشیولرینین آچیلماسی نتیجه‌سینده اورتایا چیخان سندلرله ایران آرشیولرینده اولان سندلرین یان-یانا قویولماسیندان عمله گلن بو کیتاب، آذربایجان دموکرات فیرقه‌سی ایله ماهاباد جمهوریتی تاریخی حاقدادیر. آذربایجان دموکرات فیرقه‌سی و اؤزللیکله میرجعفر پیشه‌وری حاقدا قلمه آلینان ان اؤنملی اثرلردن ساییلان «از زندان رضاخان تا صدر فرقه دموکرات آذربایجان» (نشر اوحدی، ۱۳۸۲)آدلی کیتاب دا ماراغالی علی مرادی-ه عایید‌دیر. او هم ده «زندگی و زمانه محمد بی‌ریا» (نشر اوحدی، ۱۳۸۵)، «خاطرات غلام‌یحیی دانشیان» (نشر اوحدی، ۱۳۸۸) آدلی کیتاب‌لارینین مولفی‌دیر. یازارین چالیشمالاری یالنیز آذربایجان دموکرات فیرقه‌سی ایله سینیرلانمیر، ایران و روس ساواش‌لاری، ایران چیریکی جنبش‌لری، ایالتی و ولایتی انجمن‌لر و افلاطون فلسفه‌سی ده اونون چالیشما آلانی اولموش، دیرلی اثرلر یاراتمیشدیر.
علی مرادی مراغه‌ای‌نین یئنیجه ایشیق اوزو گورموش کیتابی الکترونیک فرمتده یاییملانیب. یازارین تلگرام کانالیندان بو کیتابی ائندیره بیلرسینیز.
