۲۱ آذر حرکاتی ایله تانینان آذربایجان میللی حکومتی‌نین قورولماسینین ایل‌دؤنومو موناسیبتی ایله «کلاب‌هاوس» و «زوم» تطبیقلرینده علمی کنفرانس کئچیریله‌جک. بیر هفته داوام ائد‌جک بو کونفرانسدا گونئی و قوزئی آذربایجاندان قوناق‌لار ایشتیراک ائد‌ه‌رک تاریخیمیزین قارانلیق بوجاق‌لارینا ایشیق توتماغا چالیشیلاجاق.
18-25 آذر تاریخینده باش توتاجاق بیر هفته‌لیک کنفرانس هر گون تبریز واختی ایله ساعت ۲۱:۰۰-ده ، باکی واختی ایله ایسه ساعت ۲۱:۳۰-دا باشلایاجاق. میللی حکومتین آذربایجان تاریخینه تأثیری، اونون یارانما سبب‌لری، سوسیال و اقتصادی اصلاحات‌لار، ادبیاتا تأثیری و ایزلری، اؤنملی شخصیت‌لرین خاطیره‌لری و س. کیمی موضوع‌لار کئچیریله‌جک آنلاین کنفرانسدا موذاکیره ائدیله‌جک.
بیر هفته داوام ائد‌ه‌جک بو کنفرانسا آشاغیداکی کلاب‌هاوس لینکیندن هر کس قاتیلا بیلر.
https://www.clubhouse.com/room/PY6vLRjv
علاوه معلومات اوچون کنفرانسین باش مسئولو یونس لیثی ایله علاقه ساخلایا بیلرسینیز:
Email: [email protected]
