۱۳۲۴-۱۳۲۵-جی ایللرده تبریزده نشر اولونموش «آذربایجان» قزئتی‌نین ترجومه و کؤچورولمه‌سینی احاطه ائدن کیتاب باکیدا نشر ائدیلیب.
آذربایجان قزئتی‌نین مقاله‌لری صمد بایرامزاده و صالح دوستعلی‌یئو طرفیندن ترجومه اولونوب و کؤچورولوبدور.
قزئتین عرب الفباسی ایله تورکجه و فارسجا یازیلمیش متنلری اوریژینال شکیلده شرق‌شوناسلیق اینستیتونون گونئی آذربایجان شعبه‌سی‌نین مودیری صمد بایرامزاده طرفیندن داها اؤنجه ۴ بؤلومده چاپا حاضرلانیب. بیرینجی بؤلومو ۱۳۹۶-جی، ایکینجی بؤلومو ایسه ۱۳۹۷-جی ایلده چاپدان چیخیب. دیگر ایکی بؤلومون ده چاپا حاضر اولدوغو بیلیدیریلیر.
قزئتده‌کی مقاله‌لر فارس دیلیندن تورکجه‌یه ترجومه اولونوب، عرب الفباسیندا اولان یازیلار دا لاتین الفباسینا کؤچورولوب. قزئتین بوتون یازیلارینی احاطه ائدن ۴ جیلدین بیرینجی جیلدی کیتاب شکلینده باکیدا چاپدان چیخیب.
بیرینجی جیلدده «آذربایجان» قزئتی‌نین ۱۳۲۴-جی ایل ۱۴ شهریور- ۱۰ دی تاریخلری آراسیندا نشر اولونموش ایلک ۹۰ سایینداکی مقاله‌لرین ترجومه‌سی و کؤچورمه‌لر تقدیم ائدیلیر.
«آذربایجان» قزئتی ۱۳۲۴-۱۳۲۵-جی ایللرده گونئی آذربایجانلی‌لارین میللی-دموکراتیک حرکاتی نتیجه‌سینده یارادیلمیش و جمعی بیر ایل یاشامیش آذربایجان میللی حؤکومتی‌نین اجتماعی، اقتصادی، سیاسی و مدنی ساحه‌‌‌لر اوزره حیاتا کئچیردیگی اصلاحاتلار و آذربایجان جمعيتی‌نین دموکراتیک اساسلار اوزرینده قورولوب مؤحکملندیریلمه‌سی ساحه‌‌‌سینده فعالیتلری ایله علاقه‌‌‌لی اؤنملی منبع حساب ائدیلیر.
قئید ائدک کی، «آذربایجان» قزئتی‌نین ترجومه و کؤچورولمه‌سی‌نین ایکینجی جیلدی ده چاپا حاضردیر.
