«اتک‌یازی» سایتی‌نین آذربایجان تورکجه‌سینده ایکینجی کیتابی نشر ائدیلمیشدیر. یاییملانان یئنی کتاب پروفسور نصیب نصیبلی‌نین « گونئیلی- قوزئیلی مسئله‌‌لریمیز » آدلی کیتابیدیر. کیتاب آیدین موغانلی طرفیندن عرب الفباسینا کؤچوروله‌رک نشره حاضرلانمیشدیر. بو کیتابین اساس مؤوضوعسو میللی تاریخیمیزین اورتا عصرلر دؤورونون اؤنملی مسئله‌‌لری، گونئی و قوزئی آذربایجانین یاخین کئچمیشینده و حال-حاضردا حل ائدیلمه‌میش پروبلئملری حاققیندادیر.
نصیب نصیبلی بو اثرده آذربایجاندا تورک وارلیغینی فرقلی تاریخی دؤنملرده اله آلمیش، تاریخیمیزده ایز بوراخان شخصیتلرین دوشونجه و فعالیتلرینی اینجله‌میشدیر. اثرده آذربایجان و تورکیه موناسیبتلری، قاراباغ مسئله‌‌سی، خوجالی سوی قیریمی کیمی مؤوضوع‌لارلا بیرلیکده گونئی آذربایجان میللی حرکاتی دا اله آلینمیشدیر. یازار بو کیتابدا سووئت رئژیمی ایله تورکلوک، اسکی میراثین یئنیدن ديرلندیریلمه‌سی، پان ایرانیزمین دوغوشو و تورکلوک کیمی مؤوضوع‌لاردا دا اؤنملی معلوماتلار وئرمیشدیر.
کتابی آشاغیداکی لینکدن ائندیره بیلرسینیز.
دانلود
