۱۷-۱۸ آذر تاریخ‌لرینده ۱۳۲۴-جو ایلده تشکیل اولونان بیر ایللیک آذربایجان میللی حکومتی حاقیندا آنلاین سئمینار کئچیریله‌جک. «آز سیویک نئیشن» و «اتک‌یازی» طرفیندن تشکیل اولونان ایکی گونلوک بو سئمینار، میللی حکومتین دیل سیاستی، توده پارتیسی ایله علاقه‌لری، پلورالیزم و دیگر موذاکیره‌لره حصر اولوناجاق. آذربایجان میللی حکومتی‌نین ۷۸ ایللیگینده کئچیریله‌جک بو سئمیناردا، اساس دانیشانلارین آنالیتیک باخیش‌لاری ایله بیرلیکده دینله‌ییجی‌لرین ده فیکیرلری و دویغولاری ائشیدیله‌جک.
دانیشانلار و مؤوضوع‌لار:
طوغرول آتابی: آذربایجان میللی حکومتی دؤورونده دیلده مدرنلشمه پلانلاماسی.
شیوا فرهمند راد: ایران توده حیزبی و آذربایجان دئموکرات فیرقه‌سی آراسینداکی چکیشمه‌لر: “وحدت نافرجام” کیتابینا قیسا بیر باخیش
میثم بادامچی: آذربایجان دئموکرات فیرقه‌سی‌نین بیر ایللیک حکومتینی یئنیدن اوخوماق: اصغر شیرازی‌نین کیتابینا بیر باخیش
تئومان آکتان: آذربایجان دئموکرات فیرقه‌سی‌نین سؤیله‌مینده رادیکال چوخولچولوق و دئموکراتیک یوردداشلیق.
تدبیر واخت‌لاری آشاغیداکی کیمی اولاجاق:
تبریز: ۱۹:۳۰
تورونتو: ۱۱:۰۰
آنکارا: ۱۹:۰۰
باکی: ۲۰:۰۰
هر کسی بو مؤوضوعدا فیکیرلرینی بیلدیرمه‌یه دعوت ائدیریک. گؤروشمک اومیدی ایله!
