«دیالوق» آذربایجان سیویک نئیشن ایله اتک‌یازی‌نین اورتاق پروژه‌سی‌دیر. اونون مقصدی آذربایجان فعاللاری، دوشونورلری و چالیشانلاری آراسیندا سؤیلمسل دیالوق قورماق و فیکیر آلیش-وئریشی ایمکانی یاراتماقدیر.
بو پروژه چوخ آشامالی بیر چالیشمادیر. ایزله‌یه‌جه‌گینیز بو ویدئو مصاحیبه‌لری سئریسی اونون ایلک آشاماسیدیر. پروژه‌نی اتک یازی مئدیاسیندان و AZ Civic Nation یوتیوب کانالیندان ایزله‌یه بیلرسیز.
«دیالوق»ون اون دؤردونجو موصاحیبه‌سینده «اورمو گؤلونون قوروما ندنی‌نین اکولوژیک و یا انسانی مداخله اولدوغو»، «اورمو گؤلونون قوروماسی‌نین انسان حیاتی و چئوره‌یه ائتکیسی» و «اورمو گؤلونون قوروماسی ایله اورتایا چیخاجاق اولان فاجعه‌لرین نئجه اؤنله‌نه بیله‌جه‌یی» کیمی موضوع‌لار سوسیولوق سهند توران ایله موذاکیره اولونوب.
ماراقلانانلار و آرتیق بیلگی ایسته‌ینلر آشاغیداکی ایمئیل واسیطه‌سیله بیزیمله علاقه ساخلایا بیلرلر:
